eme Herili ara nere,
eme Mano ira nere,
eme Raravahu nere,
Ivit haila Jon ira ver a ca'ane.
Ili je-caunu....
Tahi ulumuha nae,
Tahi afarika nae,
Sorot hin haila,
Lepur hin hai laila...
Ili je-caunu
Ono enoko ho moco,
Ono e vehe ho e lasa,
Erit ahare mua ili asise mua apanate,
Erit ahare mua nami,
Erit ahare kokote lahute,
Ivit hufur haini,
Ivit amú hai ni,
Ili je-caunu...
Tahi utu jete
Jeleh lori lafai hai me co'o naci,
Ocoh-ete-horuha hai me co'o naci,
Aka navar lutur cau hai minipe,
Aka navar Ili kere-kere hai minipe,
Jalan ia-pata hai me co'o naci,
Locami hai me co'o naci,
Tipolu lata paru hai me co'o naci,
Ale ira moko hai me co'o naci,
Jatzan vili tei haime co'o vari,
Piratitir aka hai me'e me'e...
Ili je-caunu...
Jeu ho moco tapi eceremu icaperene,
Noko ho kaka eceremun ica kapare,
Vayan pain eceremu tapi hai hala nae,
Ili je-caunu....
Enia ho etana purupale,
Ivit e calu lukuni,
Ivit epalu lukuni,
E hufur ho enamu a co'one,
Po e nuan ho enuan ho e sapunu ukani,
Paru-paru soko...e noko ho emoco nere la,
Tua fai, Pala fai,
Eme Iharala tanapali acanate,
Eme tukuparu-na'aparu acanate,,,nari lata
