 |
| TAHI |
Enu vanat en ana e ratu hai nau ta'a
A ula vari kuru vel hai menecene
A ula vali kuru tenen hai menecene
Ula e nuan mucu hai rokote
Ula e sapun mucu hai virite
A coman nina nau menecene
A coman fanu nau menecene
Et ula a no hai toto mau
Et ula a fanu hai toto mau
Po anakama nacun telira hin e ne ta
Po anakama ina telira hin e ratu ta
Emerana naen haita
Tara-tara naen haita
E sirivesi hai menina
E memen hai menina
Erit ira rocanu
Erit tahi rocanu
Ne moko-ne kai
Ifi lala-malala
Ira vinan-tahi vinan
Nauku e nole i toe
Nauku e namir i toe
Irit ivi puhu nacin i
Erit ivi puhu choton i
A comana hini nau hefe
A comana hini nau navare
Po..
Kis arapinu-mor ara pitinu
Ira tali maunu-tahi tali maunu
Mualafai na maunu-varuk lafai namaunu
Ni hai me ina ura nokor i ta'ale
Ni hai me ina ura mochor i tuture
Nu eluhenu masin ho soi tu ira apa maun ira nau mucune- tahi apa maun tahi nau mucune(greater sunrise-bayundan,elang-kakatua)
tahi calu hicine-tahi nami hicine
Ivi ukume ni
Ivi auf me ni
Po...
Ina ivi keluhe
Ina ivi veie
Ina hal hai kelu
Ina hopon hai kelu
Po...
Iro hetu a navara-iro hetu anicakuru
Tat!
Ura noko-ura mochor hini vari-varunu nu no rata mara
nary lata