Venu……
 |
| LARI FAI ERE |
venu moko….
venu lalu ara kafale mua ikuru mucucane,
Muacau vele em eluani ho ikari utupai.
Ana hai eleve,
ana hai tomoke,
ana hai nica rau,
Muacau vele mucu hiamoi,
I hasa tahinume mua vacu hia sukana na’a novalike,
Tu’u afa hai nica rau-rau!
inta muacau vele mica nate kule!!
hin hufur ho namu me koron ho hahali na’a ca’a.
Afa larin ukani.
Hiamoi la pata ukani,
Pata ukani mucu hiamoi la tani toure,
Tani hasa asa naum riku,
rumut naum riku,
asa la cipi fai,
cipi asarini,
hasa-asa rini pupul a jete,
fuful a cepere.
Afi Ocava cipi asarini ature,
afime horu nature tu’u afa poko ukani,
alivana ukani.
Afi Ocava afi I’I, tu afa taru van lohai, hulapali-arapali.
Afi Ocava afi alime horu umu tu afa porot ukani,
afa umu ukani ta’a ira teini me afi nucece.
Pitini me afi nucece,
mimireke me afi nucece,
lakuvare me afi nucece,
ta’a karas ali me afi nucece,
Ivit afi ne’e hai tamu i,
Larin lau,
Sika lau,
Carun lau,
O lakuare,
Lau sekuru,
nami lau,
tupur lau,
Loiasu fanu,
kere-kere,
nepi-nepi,
naka-naka,
em micane…
ivit ani hai me hiamoi,
afi me hiamoi,
ta’a tour lafai me hiamoi….
ivi itu…….!!!
”TIMOR VACU HIA MOINI”