Fatak nochot ina ta koile va'an nochot ina ta malare
Culu nita latae fatu nita latae uku ho fai tini uku rau fai tini
Inafain hocava fanu fain hocava potik
hocava ramah hocava aneluhe tini a manite tini
Tei ho noni malar ho peiku porok ho
me'enu tu ufur na poroke amu na proke o tu'u naci ti pahan naci ti
Tene rau nara...
Lukun nakapar ivi so nereca'a tini
Hopon na taik ivi so ulan ca'a tini
Hia-hiar kapar ivi so helu pai tini
Fai-fain kapar ivi so nere pai tini
Hin kulupa anahen perecuan ucute
Hin vekasu anahen perecuan ucute
Hin salan navaren nere ca'a
Hin kail hefen nere luku
Hin tekih navaren em ranu pai
Hin kail hefen masupai
Fai fain tarupaha en ica tene calu hini papu hini tu mafi hau soroke nara mufuka manahe,pacu ketel manahe aca ucu manahe, aca amu manahe, hutu rau rauni manahe, tayan rau rauni manahe
uru lonia manahe vacu lonia manahe nu hin salan ivi mini hin kail ivi mini
Afita rata nate moit nate
Afita rata lauhe moit lauhe
Po upe nara cal ho mocho ivi nanatukuru ivi na no'okuru
Ivit nerenatana ivit ulan natana
Ivit ruana ivit tuturana
Ivit potina seile ivit aratana seile
Ta ivi na numu ivi na nupe
En calu hiahiaru papu fai fainu
Afa lolos me tatanen lawata mine
Mina me tatane ta anarua mine
Ahu cucue pasune rukute asire nu lolohe iare ta'a unan pore nacie nu cul levelevere fatu levelevere nu afa ical imocho ahu iraun itahini ta'at afita ivi nere lauhe ivi nere pupukenu tua ho pala varuk ho fetil polu.
nary lata